Chal tujhe fikr-e-hum na Sahi.. na Sahi,
taalib-e-qalaam iss shehar ki khatir mat aana!
Ghazal khaak ho jaaegi fikr-e-raqeeb se jalkar,
Tumhe kasam hai mehfil me mujh Shayar ki khatir mat aana!
Life speaks a lot...everyday...every moment...but heard rarely by us! It speaks what it goes through and what others go through in the vicinity. A small effort to translate the same in words is 'bass yun hi'...just like that!!
Chal tujhe fikr-e-hum na Sahi.. na Sahi,
taalib-e-qalaam iss shehar ki khatir mat aana!
Ghazal khaak ho jaaegi fikr-e-raqeeb se jalkar,
Tumhe kasam hai mehfil me mujh Shayar ki khatir mat aana!
Aawargi bahut ho chuki... Ab ghar bhi jaae.n
Tuut toh chukay hi hain... Bhikhar bhi jaae.n
Ye bhaag daud ki bahut ho chuki zindagi
Koi intezaar toh ho... Theher bhi jaae.n
Faqeeri, darveshi, ibaadat bhi bahut hui
Rukh-e-naksh karein tabdeel.. sawar bhi jaae.n
Khud Ko bahut samjhaa chuke k uski talab nahi
Guroor-e-khudmukhtaari sir se ab utar bhi jaae
Zindagi se maukay jeenay ke kuchh khaas nahi milay
Ek adad mauka maut de... Toh marr bhi jaae.n!
Al subah ghar se Sukoon kamaane niklay,
Hum phir naseeb-e-ba-azaab Ko aazmaanay niklay!
Be-rabt, be-qarz, Bila yaadaasht hi bhalay thhe hum,
Aaj unse takraa gaye toh sau hisaab puraanay niklay!
Aaj fir usnay humse sar-e-raah na-ashnaai ki,
Aaj fir hum usse yaad maazi dilaanay niklay!
Qalam khamosh ho jaati hai gham ki sohbat k bagair,
Wo chhod kar Gaya toh kitaab bhar taraanay niklay!
Phir chhupkar humne pochh li palkein hijaab se,
Fir muskurahat ka Naqaab, aainay Ko dikhaane niklay!
Tamaam ghar, deewaro-darr dhoonda jinhe bedum,
Wo tere khwaab jummay Ko mere sirhaanay niklay!
Ghataa na barsay, chahe na bahaar aaye,
Wo chal kar mere darr par ek baar aaye
Muskura do ek baar, kasam hai tumko,
Qatl se pehle ek baar qaraar aaye
Meelo.n ka safar aur haasil anjaam-e-sifar,
Yahaan talak paidal hum bekaar aaye
Nasoor jamaa milkiyat me itne ho gaye,
Unhe bechnay hum aaj bazaar aaye
Lub do wafaa me teri khamosh rahe gumsum,
Warna shikaway hajj ko zubaa.n tak hazaar aaye
Ek umra baad aa rahe iss simt wo dekho,
Thakur uttho rukhsat hone ke aasaar aaye!