milte rahe iss dasht me
kuchh juda adab k dost
bazm-e-jigar me reh gaye
jaane kab kab k dost
idhar jaan par mushkil,
udhar mehfil me qahqahe,
mile hain bade 'naseeb' se
aise gazab k dost!
taqdeer par har ranj ka
ilzaam kaise lagaaye
ye dosti k sabab hain
ya ranj-o-sabab k dost!
ab aadat si ban gayi hain
har roz ki tanhaaiyaan
subah anjaan se lagte hain
mehfil-e-shab k dost!
fakeeeri k apne faayday
ameeri k apne qaayday
fitrat se kitne juda hain
tab k aur ab k dost!
No comments:
Post a Comment